حقيقة يفرحنا ان انقدم خدمة للجميع لكن اليوم وامس صادف وصلتنا طلبات احتمال غريبة لكن مفرحة
يعني اتصل اخ من بلجيكا يسأل عن هارد
اخ من السودان يسال عن لاب توب
اخ زارنا اليوم بالمكتب وقال اخوية من الهند اتصل بي وقال اتروح لمكتب نقطة تشتري منه
اخ اتصل من المانيا ايريد لاب توب ابل طبعا عدا الاخوان بالمحافظات
هذه امور تفرحنا واتخلينا نشعر بالمسؤولية
Comments
34 رد على “شي مفرح”
بصراحه الموقع اله دور واني كل فتره اتابعه اشوف الموديلات الجديده واسعاركم حلوه همين ولو مامشتري منكم بس لو اريد اشتري اكيد منكم
و تستاهلون كل الخير وان شاء الله التوفيق والنجاح
تحياتي
نشكرك اخي
موقع كلش حلو وبي ضمان وسعاركم حلوة انا من البصرة اذا اشتري جهاز كيف تتم عملية البيع او عدكم فرع بالبصرة وشكرا
طبعاً البارحه والساعه 10:30 ليلا .. أتصلت بالأخ حيدر .. وقام الأخ حيدر بالواجب .. وسأله عن الباد فون .. واليوم كذلك أتصلت .. وحصل الشراء وتحويل المبلغ له .. والحمد لله ماقصر الاخ حيدر صفاء .. فأقدم لكم الشكر الجزيل والأحترام القديرر .. لخدمتكم لنا .. ولن ننسى تعبكم معنا ..
وأعتذر من الأخ حيدر أن كنت صحيته من النوم البارحه …
وشكراً لكم يامكتب النقطه .. لمجهودكم وتعبكم معنا ..
أخوكم عقيل الكربلائي ..
كل الشكر موقعكم ومكتبكم رائع انا من البصرة وسبق ان زرتكم في المكتب
اكرر نفس سؤال الاخ مهند
السلام عليكم ورحمة الله وبركاته .. تم أستلام البادفون .. وأشكر الأخ حيدر صفاء .. لمجهوده الأكثر من رائع .. وأقول أعتذر أخي أن كنت قد أكثرت أتصالي معك .. وكنت سعيد بالتحدث معك ولي الشرف بالتواصل معك .. وشكرا يامكتب النقطه …
موقع كلــــــــــــــــــش حلو عاشت ايدكم … واتمنى الكم النجاح والموفقية اكثر واكثر
شكرا جزيلا لك اخي
شكراً جزيلاً على الجهود المباركــة والموقع المتمييز …
بارك الله فيكم وشي حلوووو والله
السلام عليكم
قبل فترة كنت بالصناعة وعملت جولة عالمكاتب الموجودة وعرفت الاسعار حقيقية اسعاركم تنافسية واقل من اغلب المكاتب لأني لا استطيع الجزم لأني اكيد مارحت لكل المكاتب وبالاخير اكنت ناوي على ultra book او على net book وبالتالي اشتريت من مكتبكم وكان التعامل جيد جدا فشكرا لكم
اخوكم ابو محمد الزيدي
الناصرية
السلام عليكم … اخوتنا الاعزاء نهنيكم بهذا الموقع الجيد واود ان اسألكم عن انواع اللابتوب التي تعمل على البطارية لساعات طويلة يعني 7 ساعات فما فوق هل هي متوفرة لديكم ام لا؟؟ واذا كانت متوفرة فما هي انواعها ومواصفاتها واسعارها حيث انني اعمل في مجال الترجمة وابحث عن لابتوب خفيف وسريع وببطارية طويلة الامد
شكرا اخي يوجد اكثر من لاب توب يلبي احتياجك فقط عرفنا الميزانية الي راصدها
السلام عليكم
اني اكول لو تفتح فروع لمكتب نقطه باقي المحافظات يكون احسن وبنفس الاسعار اللي موجوده عندك
السلام عليكم ورحمة الله وبركاته
هل بالامكان الحصول على وندوز 2003 سيرفر نسخة اصلية
ارجو الرد
للاسف ما موجود
سلامي وتحياتي للجميع واخص بذكر للعم ابو زينب وعبدالله
لولا تعاملكم الجميل واسعاركم الجيده لما كنتم في هذه المكانه
واني متعممل معكم اكثر من مره والاسعار كلش راقية
السلام عليكم طبعا موقعكم كلش حلو و اسعاركم بعد احلى …عندكم ايباد ميني واي فاي 32 كيكا اسود و شكد سعره بلازحمه
نشكرك اخي سعر 480 دولار
موقع اكثر من رائع الصراحة واريد اشتري منكم سامسونج تاب 10.1 شكد سعرة
تحياتي الى الموقع الاكثر من رائع واني من متابعين هذا الموقع وارجوا ان اكون من الزبائن الدائمين الكم بلنسبة ال سامسونج تاب 2 10.1 هل هو جهاز يناسب الاستخدام الكثير ارجو منكم النصيحة حول الجهاز لان سمعت انو الجهاز ترتفع درجة الحرارة بيهة اذا استعملتة فترة طويلة بلاضافة موجودة عدكم اكسسواراتة ارجو اني ما سببت اي ازعاج مع جزيل الشكر
ما هو سعر سامسونج كالاكسي كاميرا ؟ واذا لم يكن موجود عندكم فمتى يصل؟
ما هو سعر سامسونج كالاكسي نوت 10.1 تابلت ؟ واذا لم يكن موجود فمتى يصل؟
السلام عليكم… طبعا موقعكم كلش حلو وكلش فرحت من لكيته لان اني هسة في حالة تشتت مريبة لان اريد اشتري كاميرا ومااعرف اي كاميرا اشتري وتكون بسعر مناسب وبمواصفات حلوة وراقية وتحمل مؤثرات صورية وايضا عالية الدقة وزوم مالهة يدوي… فاتمنى من حضراتكم لو بس اعرف سعر كانون 550d ونيكون 5000d شكد حاليا يمكم ؟؟؟ وحضراتكم بشنو تنصحوني اشتري اي نوعية مع العلم اني اريدهة للتصوير العائلي والسفرات والمناظر الطبيعية مو للعمل… اتمنى الرد حتى اجي واشتري منكم…شكرا
ان شاء الله السبت انجيب الك تفاصيليهن
الأخوان الكرام شكراً على جهودكم الرائعة
لدي استفسار حول اللابتوب Dell 5521 Core i7 FHD
هل المعالج ثنائي أم رباعي؟
مع الشكر
ثنائي النواة
شكراً ممكن أعرف اذا تجيبون هذا الموديل أو لا
Dell Inspiron 15r Special Edition 7520 Intel i7, FHD, AMD7730m 2g
مع الشكر الجزيل
موجودة سعرها 730 دولار
ممنون الكم بس شعجب مموجودة بقائمة الاسعار
الموجود فقط Dell 5521 وليس Dell75320
السلام عليكم
هل توجد لديكم لابتوب اسوز K55VM وكم السعر
وسؤال ثاني اللابتوب HP SLEEKBOOK 15-b008 slim بيه DVD
الاسوز اتصور باقي قطعة واحد لكن توصلنا وجبة جديدة بعد ثلاث اسابيع تقريبا
سلام عليكم رمطان كريم ممكن اعرف عدكم فرع في محافظه اربيل او كيف توصلولي وعن كيفيه الدفع مع تحياتي لكم بل التوفيق .
بصفتي متخصص في عالم الصناعه من نهاية التسعينات احب اهنيكم على تفاعلية موقعكم وخدماتكم ولو يحتاج الموقع لفهرسة وترتيب اكثر تحياتي